HUYU NDO BONDIA ALIYE PIGWA MAKONDE MAZITO NA MPINZANI WAKE NA KUANZA KUONA MAJINI ...MBELE YAKE...

Bondia Ramadhani Kido akiwa chini baada ya kupigwa konde na Chupaki Chipindi.

BONDIA Ramadhani Kido wa jijini Dar es Salaam, Ijumaa iliyopita aliushangaza umati uliofurika kwenye Ukumbi wa Dar Live, Dar es Salaam baada ya kusema ameona jini mbele yake. 

...Akiinuka baada ya konde hilo.

Kido alitoa kauli hiyo baada ya kutandikwa konde zito la kidevuni na mpinzani wake, Chupaki Chipindi wa Iringa.
Katika pambano hilo lililokuwa la raundi sita, Kido alitandikwa
konde hilo katikati ya raundi ya kwanza na kuanguka mzimamzima ulingoni, kisha akainuka na kujaribu kuendelea lakini akashushiwa konde jingine kidevuni lililomlaza chini, hivyo kujikuta akipoteza pambano hilo kwa K’O katika raundi hiyo.

...Akiulizwa na mwamuzi kama ataendelea na pambano na kukubali.

Akizungumza na Championi Jumatatu baada ya pambano hilo, Kido alisema kabla hajapigwa konde la kwanza lililomdondosha chini, aliona kitu cha ajabu kama jini mbele yake, kisha akashtukia kishindo kizito kwenye taya lake.

...akiwa chini tena baada ya kupokea konde lingine lililomaliza mchezo.

“Yaani hata sielewi ni kitu gani, nimeona kitu fulani kama jini mbele yangu kimenipitia kwa kasi, kabla ya kusikia kishindo kizito kikitua kwenye taya langu na kujikuta naanguka chini na kupoteza pambano,” alisema Kido.

...akijaribu kuinuka kwa taabu.

Naye Chipindi baada ya kumtandika bondia huyo, alisema ukali wa ngumi yake ndiyo uliomtia kiwewe bondia huyo na kuwaomba waandaji wa masumbwi kumtafutia bondia mwingine wa kuzichapa naye.

...Baadhi ya wapambe wake wakiwa hawaamini kilichotokea.

Pambano hilo lilikuwa ni la utangulizi kabla ya mabondia wengine Francis Miyeyusho wa hapa nchini na Darius Lipupa wa Zambia kuzichapa. Miyeyusho alishinda kwa pointi.