HIKI NDICHO ALICHOSEMA MSANII DIAMOND BAADA YA KUZAWADIWA iPHONE 5 MPYAAAAA

SIMU ALIYOPEWA NDO HII

HIKI NDO ALICHOKIANDIKA DIAMOND

SHUKRANI NA HESHIMA NYINGI SANA ZIENDE KWA BOUSE @ISMAILSOTA KWA ZAWADI HII ALIONITUNUKIA iPHONE 5S MUPYAAAA. NASHUKURU SANA MKUU... UNAZIDI KUNIPA MOYO NIZIDI KUJITUMA NA KUPIGA HATUA ZAIDI

MBUNGE LEMA, AFUTIWA MASHITAKA YAKE YA UCHOCHEZI CHUO CHA UHASIBU ARUSHA

NA FULLSHANGWE

Mahakama ya hakimu mkazi imefuta kesi iliyokuwa inamkabili mbunge wa jimbo la Arusha Goodbless Lema na kudai kuwa upande wa mashitaka hakuwa na nia ya kuendeleza kesi hiyo.

Aidha kesi hiyo iliyokuwa inamkabili mbunge huyo ilikuwa ni ya uchochezi  katika chuo cha uhasibu Arusha ambapo vurugu hizo
zilisababisha chuo hicho kufungwa.
Pia kesi hiyo ilipangwa kuanza kusikilizwa leo  mbele ya Hakimu Devotha Msofe wa Mahakama ya Hakimu Mkazi Arusha ili kuweza kuitolea
ufafanuzi zaidi.

Hataivyio mara baada ya hakimu huyo pamoja na Jopo la mawakili kuingia mahakamani hapo, Wakili wa Serikali Elianenyi Njiro, aliiomba mahakama kesi hiyo ifutwe chini ya kifungu cha 91(1) cha Sheria ya Mwenendo wa Makosa ya Jinai, kama ilivyorekebisha 2002.
Ilidaiwa mahakamani hapo kuwa upande wa mashitaka uliona hauna haja wala tija ya kuendelea na kesi hiyo lakini pia ni vema kama kipengele
cha sheria kikaangaliwa zaidi.

Pia mara baada ya ombi hilo mahakama iliridhia na kudai kuwa kuanzia sasa Mbunge huyo yupo huru kwa mujibu wa kifungu cha sheria.

 “kwa mujibu wa kifungu cha sheria kuanzia sasa Lema upo huru”aliongeza hivyo. Awali Akisoma maelezo ya awali Julai 10 mwaka huu mahakamani hapo, Wakili wa Serikali Elianenyi alidai Aprili 24 mwaka huu, Lema akiwa eneo la Freedom Square la IAA alifanya kosa la uchochezi wa kutenda kosa kinyume na Sheria ya Kanuni ya Adhabu.

Akifafanua shtaka hilo, Elianenyi, alidai kuwa Lema aliwaeleza wanafunzi wa chuo hicho ambao walikuwa wamekusanyika kufuatia kuuawa
kwa mwenzao na watu wasiojulikana kuwa;

Upande wa mashtaka tayari ulikuwa umewaleta mashahidi watano ambao ni Kamanda wa Polisi wa Wilaya ya Arusha, Giles Mroto, Naibu Mkuu wa Chuo cha Uhasibu Arusha, Faraji Kasidi, Inspekta wa Polisi Bernard Nyambalya, Jane Chibuga na Mwadili wa Wanafunzi wa Chuo cha Uhasibu Arusha, John Joseph Nanyaro.

PICHA ZA MWANAUME ALIYEJILIPUA MOTO MPAKA KUFA KWASASABU YA UGOMVI NA MKEWE..!!HUKO SENGEREMA

Marehemu Zakaria Gindu baada ya kujilipua na moto.

 Na Daniel Makaka wa Mo Blog Sengerema,

 Mkazi wa kitongoji cha Kijiweni kilichopo kijiji cha Chifunfu kata ya Chifunfu wilaynia Sengerema mkoa Mwanza, amefariki dunia baada yakujilipua kwa moto kisha kuungua vibaya na kufariki dunia akiwa ndani ya nyumba yake.

Akithibitisha kutokea kwa tukio hilo Mwenyekiti wa kitingoji hicho Bw. Juma Mashauri, amemtaja aliyekumbwa na mauti hayo kuwa ni Bw. Zakaria Ngindu (36) mzaliwa wa kijiji cha Mwamanyiri wilaya ya Busega  Mkoa wa Simiyu.

Bw. Mashauri amesema kuwa tukio hilo lilitokea mnamo Septemba 27 mwaka huu majira ya saa10 jioni na chanzo cha tukio hilo inaelezwa kuwa ni kutokana na ugomvi uliokuwa ukiendelea ndani ya nyumba yake na mke wake alitajwa kwa jina la Veronica Lumanicha mzaliwa wa kitongoji cha NGOMA ‘B’ Kilichopo kijiji cha Nyamatongo Kata ya Nyamatongo wilayani Sengerema, baada ya kumkuta akiwa na namba za simu ya mkononi ambazo hazieleweki kuwa ni za nani.

Kwa mujibu wa mashuhuda wa tukio hilo walisema wanandoa hao walikuwa na ugomvi wa mara kwa mara wakituhumiana kutokuaminiana katika ndoa yao iliyokuwa imegubikwa na vitimbwi vingi vililosababisha mmoja wa wa wanandoa hao kushikwa na hasira na kunywa pombe kisha kuchukuwa maamuzi ya kujiua ili kuondokana na kero hiyo.

Kutokana na tukio hilo kwa upande wake  Katibu wa umoja wa vijana wa chama cha mapinduzi (CCM) wilaya Sengerema Bw.Benedictor Bujiku aliyekuwa ameambatana na waandishi wa habari kushuhudia tukio hilo amewaomba vijana kupenda kujishugulisha na shuguli na kuacha suala la ulevi unaopelekea kuchukua maamuzi ya kujiua angali taifa bado linawategemea .

Naye diwani wa kata hiyo ya Chifunfu Robert Madaha amesikitishwa kwa kutokea kwa tukio hilo na amewataka wananchi kuacha unywaji wa pombe ambao hauna faida yoyote kwa ujenzi wa Taifa.

MSANII MACK 2 B(MALIK SIMBA)AZIKWA LEO,WASANII WALALAMIKIWA KWA KUTOJITOKEZA KWA WINGI KWENYE MSIBA

Msanii MAC 2 B amezikwa mchana huu leo katika makaburi ya YOMBO MAKANGALAWE  wasanii waliojitokeza kumzika ni wachache sana tofauti na misiba mingine ya wasanii inavyokuwa, ''hii kitu yakuchagua watu wakuwazika sio nzuri kabisa alisikika mdau mmoja akisema'' wasanii wana ubakuzi na hawana ushirikiano.ukiangalia hapa kuna wasanii wachache sana waliojitokeza kumzika mac 2 b. Na hawa ndio wasanii niliowaona leo na watu maalufu katika msiba wa mac 2 b. CRAYZE BUFA,PROD LAMAR,MABAGA FRESH,MOX,KIMALIO,HK,RICH ONE na DAZ BABA .

wasanii wengine mko wapi jaman sio vizuri kabisa.

KONGAMANO LA REGGAE LAFANYIKA BASATA

Ras Aluta Christopher Warioba akiongea na waandishi wa habari kwenye kongamano la wasanii wa Reggea lililofanyika leo kwenye viwanja vya BASATA

Ras Inocent akiongea neno kwenye kongamano la wasanii wa Reggea lililofanyika leo kwenye viwanja vya BASATA 

Ras Ton akizungumza na vyombo vya habari wakati wa kongamano la Reggea lililofanyika leo  kwenye viwanja vya BASATA

 Ras Baraka akiwa kwenye stage akifanya maandalizi ya kuonesha burudani kwa wapenzi wa Reggea

Ras Inocent akitoa burudani kwenye kongamano  hilo

Hata wakina mama nao walikuwepo

Hapa ni kuruka wa burudani

Mama huyu alishindwa kuvumilia music wa Reggea akaanza kucheza kwenye mvua

 Dabo akitoa burudani wakati mvua ikiendelea kunyesha yaani mzuka kulikuwa hakuna kusitisha furaha kwa wapenzi wa Reggea wwaliokuwa kwenye tamasha ilo

Ni burudani tu hakuna kusubilia mvua ikatike

  Ras Ikabonnga Katondo akiwa na Ras Anord Kalikawe kwenye kongamano lililofanyika leo  kwenye viwanja vya BASATA

PICHA ZOTE NA PAMOJAPURE/PAMOJA BLOG

Dk shein aagana na balozi wa marekani aliyemaliza muda wake wa kazi nchini mhe Alfonso Lenhartd

 Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,akisalimiana na Balozi wa Marekani Nchini Tanzania Alfonso Lenhartd,alipofika  Ikulu Mjini Zanzibar kumuaga Rais,baada ya kumaliza muda wake wa kazi Nchini.

 Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,akizungumza na  Balozi wa Marekani Nchini Tanzania  Alfonso Lenhartd,alipofika leo Ikulu Mjini Zanzibar kumuaga Rais,baada ya kumaliza muda wake wa kazi Nchini.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,akibadilishana mawazo na Balozi wa Marekani Nchini Tanzania Alfonso Lenhartd,baada ya mazungumzo yao alipofika  Ikulu Mjini Zanzibar  kumuaga Rais,akiwa amemaliza  muda wake wa kazi nchini. Picha na Ramadhan Othman,Ikulu.

SHILOLE AANDIKIWA BARUA YENYE UJUMBE MZITO NA MWANAYE ISOME HAPA

MSANII wa sinema za Kibongo,Zuwena Mohemed‘Shilole ameandikiwa barua yenye ujumbe mzito na mtoto wake aitwaye Joyce akimuasa mama yake kuwa care na kila kitu anachokifanya. 

Shilole ameipost barua hilo kupitia matandao wa instagaram huku akiandika …Asante mwanangu sijui umefikiria nn? Dah mungu nikuzie wanangu coz ndo faraja yangu. Hiii barua nimeikuta kaniwekea harafu yy kaishaondoka shule miss u my baby girl soma kwa uwezo wako wote mi natafuta kwa ajir yenu….…
 
Mtoto wa Shilole

WAKAZI WA KIKUYU KUSINI WAANDAMANA KUPINGA BOMOABOMOA ILIYOPANGWA NA CDA MKOANI DODOMA, MKUU WA MKOA AINGILIA KATI

 Maelfu ya Wananchi wa Kata ya kikuyu kusini wakiandamana katika mitaa ya mji wa Dodoma kwa ajili ya kupinga kubomolewa na mamraka ya ustawishaji makao makuu  [CDA] wanaotarajia kubomoa nyumba, mapagale na misingi ya wakazi hao.

  Maelfu ya Wananchi wa Kata ya kikuyu kusini wakiandamana katika mitaa ya mji wa Dodoma kwa ajili ya kupinga kubomolewa na mamraka ya ustawishaji makao makuu  [CDA] wanaotarajia kubomoa nyumba, mapagale na misingi ya wakazi hao.

 Mkuu wa Mkoa wa Dodoma Dr. Rehema Nchimbi akipaza sauti ya matumaini kwa wakazi wa Kata ya kikuyu kusini walioandamana kupinga Bomoabomoa ya CDA waliokuwa wamepanga kubomoa nyumba na misingi katika eneo hilo.  Alisema “Naitengua amri hiyo na namwagiza Mkurugenzi akutane na wananchi hawa pamoja na viongozi wao ili kuweza kufikia muafaka kwani kubomoa sio suluhu hamuwezi kubomoa Dodoma nzima na ningependa kuletewa taarifa juu ya sula hili … mnachotakiwa ni kuboresha na kutumia njia sahihi ambazo hazita waumiza wananchi ambao ndiyo wateja wenu.

Diwani wa kata ya Kikiyu kusini Ancelmu Kutaka akifafanua jambo mbele ya Wananchi wa kata hiyo waliondamana kupinga kubomolewa na Mamraka ya ustawishaji makao makuu [CDA] walipanga kuboa wakati wowote kuanzia leo.

Kaimu Mkurugenzi wa CDA Paskas Mulagili Akifafanua jambo wakati alipokuwa akiongea na waandishi wa Habari wa vyombo mbalimbali kuhusu maandamano ya wananchi wa kata ya Kikuyu Kusini walioandamana kupinga ubomoaji unaotarajiwa kufanywa na mamlaka hiyo siku yoyote kuanzia leo. 

Habari na picha na  John Banda, Dodoma

WAKAZI wa Kata za Kikuyu Kusini na Kilimani mkoani Dodoma wameandamana kupinga amri iliyotolewa na Mamlaka ya Ustawishaji ya Makao Makuu (CDA) ambayo inawataka kuhama katika eneo hilo ndani ya siku saba. Wakazi hao walioandamana kutoka Kikuyu hadi Viwanja vya Nyerere Square katikati ya mji wakimtaka mkuu wa Mkoa wa Dodoma, Dk. Rehema Nchimbi kuzungumza nao.

Maandamano hayo yalisindikizwa na ulinzi wa polisi hadi katika viwanja hivyo huku wakazi hao wakiwa wameshikilia mabango yenye jumbe mbalimbali. Wakazi hao wakiwa wanaimba nyimbo huku wakiinua mabango yao juu yenye ujumbe kama Cda ni zaidi ya Alshababi, CCM mnaiona bomoabomoa, Cda ni zaidi ya Nduli Idd Aminini Dada na lingine likisomeka Hata wanyama hupewa hifadhi.

Wakizunguza na waandishi wa habari katika viwanja hivyo wakati wakimsubiri mkuu wa mkoa baadhi ya wananchi na viongozi wao wa mitaa walidai kuwa lengo la maandamano hayo ni kufikisha kilio chao kwa serikali ya mkoa. Andrew Mdumi mwenyekiti wa mtaa wa Mkalama ambao ni sehemu ya eneo linalotakiwa kuvunjwa alisema kuwa wameamua kufanya maandamano hayo mara baada ya kupewa amri ya kuondoka katika eneo wanaloishi kwa kipindi kirefu.

Mdumi alisema, kuwa Mamlaka ya ustawishi Makao makuu imekuwa ikiwapatia namba kila wakati na kudai kuwa itakuja kuwapimia lakini katika hali ya kushangaza imewapa amri ya kuondoka ndani ya siku saba kwa madai kuwa wamevamia katika eneo hilo ambalo lilikuwewa limetengwa kwajili ya bustani za mbogamboga na matunda. “Wanataka tuondoke ili kupisha kilimo cha mbogamboga na matunda hivi kweli mboga na maisha yetu kipi cha msingi kuna nyumba zaidi ya 1000 ambazo watakakuzibomoa kwajili tuu ya kupisha bustani” alisema

Alisema kuwa wamekuwa wakishirikiana na CDA kwa kipindi kirefu ili kuweza kufanikisha zoezi la upimaji wa viwanja hivyo hata kwa gharama zao wenyewe. Mwekiti wa kamati ya upimaji katika Kata ya Kikuyu kusini Mathew Ndallu, alisema kuwa katika kufuatilia suala hilo la kupimiwa viwanja walikutana na CDA na kukubaliana kuwa waje wafanye utambuzi wa nyumba zilizopo, mapagale na misingi ili waweze kufanya upimaji.

Ndallu alisema kuwa walikubaliana na kuwa kutokana na eneo hilo kuwa halijapimwa wao wako tayari kuchangia gharama za upimaji ili kuwezesha zoezi hilo kufanyika.

“Tulikubaliana nao mara baada ya wao kuja kutambua idadi ya nyumba mapagale na misingi watupimia na sisi tuko tayari kuchangia kiasi cha sh.500,000 kwa kila mwenye eneo” alisema Ndalllu. Aidha alisema kuwa katika hali ya kushangaza pale ambapo walikuwa wanasubiri kupimiwa CDA waliwageuka na kuwataka kwanza wao wapatiwe viwanaja 500 ili waweze kuwapiamia. “Mara baada ya kukubaliana nao kuwa tuko tayari kuchangia lakini Mkurugenzi alituambia kwanza tuwape wao viwanja 500 ili waweze kuja kutupimia na kama hatutakubali basi watakuja kutubomolea” alisema.

Alisema kuwa mara baada ya wao kukataa kumpa mkurugenzi huyo viwanja hivyo aliwaandikia barua hiyo ambayo ilikuwa inawataka wakazi wa maeneo hayo kuondoka kabla ya tarehe 30 ya mwezi Septemba (jana).

“Walituandikia barua ambayo inatutaka kuaondoka ndani ya siku hizo saba ikiwa ni kuanzia tarehe 23 ya mwezi huu ambapo inaishia leo (jana) na kesho (leo )wanakuja kuanza kubomoa” alisema Ndallu.

Alisema kutokana na hali hiyo ambayo imeonyesha kuwa CDA imeshindwa kuwasikiliza kilio chao wameona kuwa hiyo ndiyo njia sahihi ya wao kupata suluhu ya tatizo lao. Alisema kuwa jumla ya mitaa mnne katika kata hizo ndiyo inayotakiwa kubomolewa ambayo ni mitaa ya Mkalama, Chidachi pamoja na Image A na B.

Akizungumza na kundi la wakazi hao mkuu wa mkoa wa Dodoma Dk Rehema Nchimbi, alisema kuwa anatengua amri hiyo iliyotolewa na CDA na kumtaka Mkurunzi wa mamlaka hiyo kukutana na viongozi wa maeneo husika.

“Naitengua amri hiyo na namwagiza Mkurugenzi akutane na wananchi hawa pamoja na viongozi wao ili kuweza kufikia muafaka kwani kubomoa sio suluhu hamuwezi kubomoa Dodoma nzima na ningependa kuletewa taarifa juu ya sula hili … mnachotakiwa ni kuboresha na kutumia njia sahihi ambazo hazita waumiza wananchi ambao ndiyo wateja wenu.

MAKAMU WA RAIS DKT. BILAL ASHIRIKI KILELE CHA MAADHIMISHO YA SIKU WAZEE DUNIANI NA WAZEE WA KOROGWE MKOA WA TANGA.

  Akivishwa vazi la Asili la 

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiagana na baadhi ya Wazee waliohudhuria katika sherehe za Kilele cha Maadhimisho ya Siku ya Wazee Duniani, baada ya kuhutubia katika sherehe hizo zilizofanyika kwenye Uwanja wa Mandu, Korogwe Mkoani Tanga leo Okt. 01, 2013. Picha na OMR.

CHEKI VERSE ZA FID Q ALIZOMWANDIKIA SALAMA JABIR LEO KWENYE BIRTHDAY YAKE

fidq >>Happy Earthday Cheupe @ecejay .. A k a Andunje au Kistuli/ one of the smartest people i know.. #Vizuri / Leo nimeamua kufunguka ili upate kunitambua kwa hizi tungo/ tafadhali usinizuie kuongea..hiyo ni sawa na kujaribu kuficha jua kwa ungo/ Asante kwa kuwa mshkaji wa ukweli/ incharge haujafeli.. Uko poa? Au kama kuna lolote unahitaji niTeli/ una namba zangu zote za Celly/ na sina mpango wa kukumwagia maji, mimi ni rasta.. Man selektah kama Kerry/ Pheeew.. Hivi nimekusalimu au nimekurupuka tu kama Ngadu aliyetoka baharini ? / na kuja nchi kavu.. Lakini yote ni love tu ama nini?/ Enhee.. U hali gani?/ ' unaonaje ' kama tukienda kusherehekea B,day yako Forodhani? / najua utanijibu ' unaona kwa Macho' tu/ na hicho ndio kitu ambacho Q humfanya aseme hauna ufagio/ nikiuliza unajisikiaje leo? Utanijibu ' wallah kwa masikio ' / basi sawa.. / yangu ni hayo tu.. (C) Cheusidawa

HUZUNI::MUME AMUUA KIKATILI MKEWE KWA KUTUMIA KISU HUKO MANZESE BAADA YA KUMTUHUMU KUWA ANAMSALITI....!!

 KWELI huu ni unyama wa wanaume hata kama si wote! Wanawake wawili wakazi wa maeneo tofauti jijini Dar es Salaam, wamepoteza maisha kufuatia madai ya kuuawa na waume zao. Inauma sana na Uwazi ndilo lenye mkasa mzima!
Matukio yote mawili yametokea jijini Dar es Salaam na kuacha vilio kwa ndugu na jamaa wakiwa hawaamini kilichowakumba wapendwa wao.
WALIOTENDWA
Wanawake waliojulikana kwa majina ya Mwanahamisi na mwenzake Waisiko Robert Mtundi ndiyo waliodaiwa kuuawa na waume zao, kisa kikubwa kikidaiwa ni hofu ya wanaume hao kusalitiwa katika mapenzi.
WANAODAIWA KUTENDA
Juma Shaban, mkazi wa Manzese Kwamfuga Mbwa na Samuel Gesire Mlimi, mwenye makazi yake Msongola, maeneo yote hayo yapo Dar ndiyo wanaodaiwa kutekeleza ukatili huo wenye kutoa machozi mpaka basi.
MWANAHAMISI ALIVYOUAWA
Ilikuwa saa tatu usiku, Septemba 21, mwaka huu, kila familia ya eneo la Kwamfuga Mbwa ilikuwa ndani kwa chakula cha usiku au maandalizi ya kulala, ndipo waliposikia zogo kutoka ndani ya chumba cha kwa wanandoa hao.
ZOGO NA MANENO
Kwa mujibu wa majirani hao waliozungumza na gazeti hili baada ya tukio, zogo hilo liliambatana na maneno ya shutuma kutoka kwa Juma kwamba mkewe huyo si mwaminifu ndani ya uhusiano wao.
Majirani walisema shutuma za Juma ziliambatana na kelele za Mwanahamisi kuomba msaada akisema ‘nauawa jamani! Nauawa mwenzenu!’
Wakasema baada ya kama saa moja ya mzozo ulipita ukimya, ndipo kila jirani alitoka nje na kuulizana nini kinaendelea ndani ya chumba cha Mwanahamisi na mumewe!
“Baada ya dakika kumi, tulimwona Juma akitoka chumbani kwake huku akiwa anabofyabofya simu yake ya mkononi na kutokomea kusikojulikana,” alisema jirani mmoja huku macho yakiwa yamevimba kwa sababu ya kumlilia Mwanahamisi ambaye wakati huo alikuwa chini ameshakata roho.
Akaendelea: “Baada ya Juma kuondoka tulipatwa na wasiwasi, tukaenda kumwangalia Mwanahamisi chumbani na kumkuta hajitambui, amelala kifudifudi, ana majeraha sehemu mbalimbali za mwili huku akiwa ametapakaa damu. Alikuwa akipumua kwa mbali.
“Alikuwa hawezi kuongea vizuri, mimi nilimsikia akisema hana uhai tena, tumwombee mtoto wake. Ndani ya chumba tuliona viroba vya pombe kali na kisu kikiwa kimelowa damu, nahisi ndicho alichotumia Juma kufanyia ukatili wake.
“Tuliamua kumwahisha hospitali Mwanahamisi lakini kutokana na hali yake tuliona ni vizuri kuwasiliana na polisi ambao walifika baada ya muda.
“Lakini siku yake Mwanahamisi ilitimia kwani wakati polisi wakijiandaa kumchukua kumkimbiza hospitali aliaga dunia.”
KUMBE NI MWEZI MMOJA BAADA YA KUHAMIA
Wengine waliozungumza na gazeti hili siku ya tukio huku wakitoa machozi, walisema Juma ambaye alitoroka baada ya ukatili huo, alihamia kwenye nyumba hiyo mwezi mmoja nyuma lakini walipata umaarufu mtaani hapo kutokana na tabia yao ya kupigana mara kwa mara.
MJUMBE WA MTAA NAYE ANENA
Akizungumza na gazeti hili katika eneo la tukio, Mjumbe wa Nyumba Kumi, Techla Tesha aliwalaumu majirani na wapangaji wa nyumba hiyo kwa kushindwa kumpelekea taarifa mapema huku wakijua mtuhumiwa alikuwa na tabia ya kumpiga mkewe mara kwa mara.
WAISIKO ALIVYOUAWA
Awali ya yote, inadaiwa Waisiko ni mke mkubwa, mke mdogo jina lake halikupatikana mara moja.
Siku ya tukio, saa tatu usiku inadaiwa Samuel alikwenda nyumbani kwa Waisiko ambapo si mbali sana na nyumbani kwa mke mdogo na kuangusha timbwili zito.
“Samuel aliingia ndani na kuanza kumpiga mkewe mkubwa huku akionya majirani kuwa asiwepo mtu wa kwenda kuamua ugomvi wao.
“Sisi kama majirani tuliogopa kwa sababu Samuel alikuwa akitishia kuwa atakayeingia atamchoma kisu.
“Licha ya vitisho hivyo, tulisimama nje ya chumba chao huku vitisho vikiongezeka lakini namna ya kutoa msaada tulishindwa. Hatukujua chanzo cha ugomvi wao.
“Kauli za mwanamke kila wakati ziliashiria alichokuwa akitendwa kwa wakati huo, mfano kuna wakati tulimsikia akisema anavunjwa mgongo, akasema anang’olewa kucha. Pia kuna muda alilalamikia kuvunjwa mkono. Jamani, marehemu aliteswa sana kabla ya kufariki dunia,” alisema shuhuda mmoja.

NI MATESO YA USIKU KUCHA!!
Shuhuda huyo aliongeza: “Mateso ya mwanamke huyo huenda yalikuwa ya usiku kucha kwani nakumbuka mpaka alfajiri ndipo tukasikia sauti ya mwisho ya Waisiko akisema Samuel umeshaniua,  nimalizie kabisa basi. Baada ya hapo hatukusikia tena sauti wala vurugu.

SERIKALI YA MTAA YAZUNGUMZA
Makamu Mwenyekiti wa Serikali ya Mtaa wa Msongola, Juma Chacha alipohojiwa kuhusiana na mauaji hayo, alisema ana taarifa lakini mtuhumiwa alikimbia baada ya kutenda unyama huo na anatafutwa na polisi.

UWAZI LABAINI KISA
Uchunguzi wa gazeti hili ulibaini kuwa chanzo cha ugomvi huo ni wivu wa mapenzi kwani ilidaiwa kuwa Samuel alikuwa akimhisi mkewe huyo kutoka nje ya ndoa.
Chanzo chetu kilisema siku ya tukio, Samuel aliwachukua baadhi ya marafiki zake na kwenda nao baa ambako aliwaambia kuwa anahisi mkewe huyo ana jambo kwani akimuuliza kitu anamjibu jeuri.
Mtoa habari wetu alisema Samuel akiwaambia marafiki hao kwamba siku hiyo akirudi nyumbani, mwanamke huyo atamtambua.

POLISI WALIVYOIKUTA MAITI
Polisi walipofika na kuichunguza maiti waliikuta imevunjwa mkono wa kushoto na kung’olewa kucha za miguu huku uti wa mgongo nao ukiwa umevunjika.
Habari zinasema mara baada ya mtuhumiwa kufanya mauaji hayo, alikwenda kwa mkewe mdogo na kumtaka akamuone mke mwenzie, alipokwenda yeye nyuma akatoroka.
Polisi Mkoa wa Ilala tayari wamemfungulia jalada mtuhumiwa huyo lenye namba STK/RB/10058/2013 MAUAJI.
Kamanda wa Polisi Mkoa wa Ilala, ACP Marietha Minangi amethibitisha kutokea kwa mauaji hayo.

TAZAMA VIDEO YA HAWA JAMAA WAMEWEKA REKODI KWA KULALIA MISUMARI

Hii ni record ya hatari sana iliyowekwa na hawa vijana kutoka nchini India. Walifanikisha kuingizwa katika Record za Dunia Hii Baada ya kufanikisha zoezi Moja lakulalia Misumari mirefu kwa Muda kadhaa, Pamoja na maumivum makali waliyoyapata lakini walifanikisha adhma yao ya kuingizwa katika REecord ya Dunia zinazotambulika kama GuinnessWorldRecords

KILA MWENYE SIMU KULIPA DENI SH 3000

MAMLAKA ya Mapato Tanzania (TRA) imekiri kuziandikia waraka kampuni za simu nchini kuzitaka zianze kukata kodi mpya ya laini mara moja kuanzia mwezi huu. Kodi hiyo mpya ilipitishwa wakati wa Bunge la Bajeti ya mwaka wa fedha wa 2013/2014 na kutaka utekelezaji wake uanze Julai 30, ili kusaidia shughuli za bajeti ya Serikali Kuu.

Akijibu swali kuhusu ukweli wa Mamlaka hiyo kuagiza kampuni hizo kuanza rasmi kutoza kodi hiyo mwezi jana, Mkurugenzi wa Elimu kwa Mteja, Huduma na Mapato wa TRA, Richard Kayombo, alikiri kutoa agizo hilo.

“Sitaki kuzungumzia kiundani sana suala hili, lakini ukweli ni kwamba kampuni hizi za simu zimeandikiwa kuanza kulipa kodi na tumeandika kwa ajili ya utekelezaji wa kodi hii mpya,” alisema Kayombo.

Alisema ingawa kweli kampuni hizo zimeagizwa kuanza kutoza kodi hiyo, hatazungumzia zaidi suala hilo kwa kuwa tayari liko mahakamani hivyo si vema kuingilia uhuru wa mhimili huo. Wakati TRA ikitoa agizo hilo, Taasisi ya Watumiaji wa Bidhaa na Huduma ilifungua kesi Mahakama Kuu kupinga sheria hiyo.

Taasisi hiyo ilifungua kesi hiyo hivi karibuni katika Mahakama Kuu Kanda ya Dar es Salaam chini ya hati ya dharura na kuanza kusikilizwa mbele ya jopo la majaji watatu ambao ni Lawrence Kaduri, Aloysius Mujulizi na Salvatory Bongole.

Msingi wa kesi hiyo unaosimamiwa na mawakili wa upande wa ulalamikaji wa Rex ni kuiomba Mahakama hiyo itangaze kuwa sheria iliyopitishwa na Bunge ya kila mtumiaji wa simu ya mkononi kukatwa Sh 1,000 kwa mwezi ni kandamizi.

Aidha, wanataka Mahakama hiyo imzuie Waziri wa Fedha kupitia TRA kutoza kodi hiyo hadi maombi yao yatakapotolewa uamuzi. Pamoja na TRA kukiri kutoa agizo la kuanza kukatwa kwa kodi hiyo na kutofafanua, kuna taarifa zilizoandikwa na gazeti moja la kila siku (si HabariLeo) kuwa waraka huo umezitaka kampuni hizo kuanza kutoza kodi hiyo ya Julai, Agosti na Septemba na kuendelea.

Tangu kupitishwa kwa kodi hiyo na Bunge, Aprili mwaka huu, kumekuwa na malalamiko mengi kutoka kwa wananchi, wanasiasa na wanaharakati ya kuipinga kwa kuwa itafanya wananchi wengi wenye kipato kidogo kushindwa kumudu gharama za kumiliki simu.

Malalamiko hayo, yalimlazimu Rais Jakaya Kikwete kukutana na wadau wa mawasiliano ambao ni wamiliki wa Kampuni za Simu Tanzania (MOAT), Naibu Waziri wa Mawasiliano, Sayansi na Teknolojia, January Makamba na Waziri wa Fedha, William Mgimwa, kisha kuwaagiza wakae na kufikiria mbadala wa kodi hiyo kama itaondolewa, jambo ambalo halijatekelezwa hadi sasa.

Kampuni hizo za simu zikitekeleza agizo la waraka huo mwezi jana, takribani wateja milioni nane wa simu watakatwa Sh 3,000 ili kufidia kodi ya simu ya Sh 1,000 kwa kila mwezi kuanzia Julai kodi hiyo ilipotakiwa kuanza kutozwa kisheria kwa kila mtumiaji simu.

-Habari leo

Idadi ya waliopotea yapungua Kenya

Shirika la msalaba mwekundu limesema kuwa idadi ya watu waliopotea kutokana na shambulizi la kigaidi la Westgate, imepungua hadi 39 kutoka 61, idadi iliyotangazwa awali na shirika hilo awali.

Kati ya watu hao, 14 wamepatikana wakiwa hai na miili saba ikipatikana katika chumba cha kuhifadhia maiti.
Kwa mujibu wa serikali, watu 67 waliuawa baada ya wanamgambo wa Al Shabaab kuvamia jengo la Westgate mjini Nairobi, tarehe 21 Septemba.
Wabunge wameanza kuchunguza taarifa za ulegevu upande wa maafisa wa ujasusi na wa serikali.
Shirika la Red Cross linasema kuwa baadhi ya jamaa za wale waliokuwa wameripotiwa kupotea kwa jamaa zao, hawakutoa taarifa wakati walipowapata.
Afisaa mmoja wa shirika hilo, ameambia BBC kuwa baadhi ya ripoti walizokuwa nazo zilikuwa kutoka kwa jamaa waliokuwa na wakati mgumu kuwapata watu wao.
Serikali ilisema kuwa hadi sasa hakuna watu wowote ambao wanasemekana kupotea baada ya kutokea shambulizi hilo na kuwa hakuna mateka wowote waliouawa wakati jengo la Westgate lilipoporomoka.
Hata hivyo, vifusi vingali vinaondolewa na kwa hilo waziri wa usalama akasema kuwa miili zaidi huenda ikapatikana.
Magaidi watano waliuawa na vikosi vya usalama, wakati wa uvamizi huo wakati watu tisa wakikamatwa kuhusiana na shambulizi hilo la kigaidi.
Kundi la kigaidi la Al Shabaab lilikiri kutekeleza mashambulizi hayo kulipiza kisasi hatua ya Kenya kujihusisha na vita nchini Somalia. Chanzo: bbcswahili

MKE WA WAZIRI ATAPELIWA,KISA HIKI HAPA

Wapigaji wanazidi kuiteka nchi, uthubutu wa vitendo vya uporaji kwa njia za udanganyifu umeshika kasi na sasa hivi umepiga hodi kwa mke wa waziri wa zamani.
Ikupa Mwakanjuki, mke wa waziri wa zamani wa Serikali ya Mapinduzi ya Zanzibar, marehemu Brigedia Adam Mwakanjuki, ametapeliwa shilingi milioni 280.
Waliomtapeli Ikupa ni vijana wanne ambao inadaiwa ni matapeli wazoefu jijini Dar es Salaam na kwenye baadhi ya mikoa ya Tanzania, wakitumia ‘triki’ ya uganga wa kienyeji.
Vijana hao wakijifanya waganga wa kienyeji, walimfuata Ikupa na kumwambia kwamba wangeweza kumfanya atajirike zaidi kwa njia za mizimu.
Watuhumiwa wote wanne wa utapeli huo wameshakamatwa lakini gazeti hili limepata majina ya wawili, wa kwanza akifahamika zaidi kwa jina la Silver na mwingine ni Mwang’ombe ambaye picha yake inaonekana ukurasa wa kwanza.
Chanzo chetu kilisema kuwa baada ya mwanamke huyo kupewa maneno ya ulaghai, aliingilika lakini akawa hana fedha ambazo ‘waganga’ hao walizihitaji.
“Mama aliposema hana fedha, wale matapeli walimwambia anazo mali ambazo anaweza kuuza na kupata kiasi cha fedha kinachohitajika,” kilisema chanzo chetu na kuongeza:
“Mama alisema analo shamba, wakamshawishi auze. Mama naye sijui aliwekewa nini, akawa anafanya kila kitu kutokana na maelekezo ya wale matapeli.
“Kweli aliuza shamba lakini fedha zote alikabidhi kwa wale matapeli. Siku zikapita, haoni mabadiliko yoyote, ghafla akamuona Mwang’ombe anaendesha gari la kifahari aina ya Toyota Land Cruiser Prado.
“Hapo ndiyo akashtuka, Mwang’ombe bila woga, akarudi tena kwa mama akamwambia zinahitajika fedha nyingine kwa ajili ya sadaka kwa yatima.
“Akiwa na wenzake, wakamshawishi auze shamba lingine zipatikane japo shilingi milioni 100 ili maisha yaanze kubadilika kwa kasi. Hapo ndipo akatushirikisha ndugu, tukagundua huo ni utapeli. Tukaamua kulifikisha hili suala kwenye vyombo vya sheria.”
Habari zaidi zinasema kuwa Ikupa kwa ushawishi wa ndugu zake, alifikisha malalamiko yake mpaka makao makuu ya jeshi la polisi na inadaiwa kuwa IGP Said Mwema aliagiza ma-RPC wote kufanya juu chini na kuwaweka nguvuni watuhumiwa.
“Hii ishu ni ya juu, sisi tumetumwa tuwakamate, tukishafanikiwa tutawakabidhi watuhumiwa kwa maofisa upelelezi makao makuu,” mmoja wa maofisa wa jeshi la polisi Kinondoni, alilinong’oneza gazeti hili.
Septemba 18, mwaka huu, saa 8 usiku, Mwang’ombe bila kujua kama yupo mtegoni, alipaki Prado lake lenye namba za usajili T940 CLX, Corner Bar, Sinza Afrika Sana, Dar es Salaam.
Alipopaki hapo, alichagua kiti ili apate ‘kuzila bata zake’ lakini eneo hilo, alikuwepo kaka mdogo wa Ikupa ambaye alitoa taarifa polisi na mara moja, gari lake likazingirwa kabla ya mtuhumiwa huyo kukamatwa na kufikishwa Kituo cha Polisi Kijitonyama, Mabatini.
Uwazi lilikuwepo wakati Mwang’ombe anakamatwa Corner Bar na lilipofuatilia, liligundua kwamba mtuhumiwa huyo alimtaja Silver kwamba naye ni mhusika.
Oparesheni ikitekelezwa na maofisa upelelezi makao makuu, ilifanikisha kukamatwa kwa Silver eneo la Kimara Baruti, usiku huohuo na siku iliyofuata, watuhumiwa wengine wawili walitiwa nguvuni kisha shauri likarejeshwa Oysterbay kwa utekelezaji wa mkondo wa kisheria.
Kamanda wa Polisi Mkoa wa Kipolisi Kinondoni, ACP Camillius Wambura, alilithibitishia gazeti hili kwamba tukio hilo lipo mezani kwake.
“Tupo kwenye uchunguzi, kuna vitu tunakamilisha halafu baadaye tutafanya mawasiliano na ofisi ya Mwanasheria Mkuu wa Serikali kwa ajili kwenda mahakamani,” alisema Wambura.
Ikupa alipopigiwa simu, alipokea mtu wake wa karibu ambaye alisema: “Kama mama atataka kuzungumza na wewe atakupigia.”
Baada ya hapo hakupokea tena simu.
Utapeli kwa njia za uganga, mitandao ya simu, katika mashine za fedha (ATM) na kadhalika, umekuwa ukishika kasi nchini ingawa jeshi la polisi limekuwa likijipambanua kwamba linashughulikia kwa nguvu kubwa.CHANZO BONGOCLANTZ

Wabunge, Kenya - wakimbizi waondolewe !

Kamati ya bunge inayohusika na ulinzi na uhusiano na mataifa ya kigeni imependekeza kufungwa kwa kambi za wakimbizi nchini Kenya, ikisema zinatishia usalama wa nchi.
Mwenyekiti wa kamati hiyo Ndungu Githinji amesema kuwa wana habari kuwa kambi zilizoko kwenye mipaka ya Kenya hutumika kuwapa mafunzo wapiganaji wa kiislamu.

Kenya inahifadhi wakimbizi wa kisomali zaidi ya nusu milioni katika kambi za Dadaab zilizoko kwenye mpaka na Somalia.
Mwenyekiti huyo Ndungu Githinji ameambia BBC kuwa miaka 22 imetosha kwa usaidizi kwa wasomali hao na wanastahili sasa kurudi nyumbani baada ya amani kurejeshwa nchini mwao.
''Hawa wakimbizi wamekaa miaka ishirini na mbili Kenya. Ningependa kuuiomba UN ifunge kambi hizo. Iwarudishe wasomali kwao, maana sasa nao pia wanayo serikali yao. Ili tuweze kukaa kwa amani.''Amesema bwana Githinji.

HAYA NDIYO MANENO ALIYOANDIKA WEMA SEPETU BAADA YA KUCHAFULIWA NA GAZETI LA FILAMU

C.E.O wa kampuni ya Endless Fame Film maarufu kma Wema Sepetu ameonekana kuchukizwa na kitendo cha kuchafuliwa kwa jina lake katika moja ya magazeti ya udaku ya hapa nchini.

Mapema asubuhi ya leo kupitia account yake ya Instagram mwanadada Wema alitupia picha ya gazeti hilo lililo mchafulia jina kwa kumuandika kuwa "Wema Kunyongwa China Awaomba Watanzania Wamuombee".

Pia dakika chache zilizopita kupitia account yake hiyohiyo ya Instagram wema amefunguka zaidi kwa kitendo hicho cha kuchafuliwa jina na kuandika hivi ... Soma hapa chini ...

IRENE UWOYA AACHA KUIGIZA,SABABU HII HAPA

Mwigizaji Irene Uwoya ambae alipata tuzo ya Steps kama mwigizaji bora kike 2012/2013 amethibitisha kuacha kuigiza movie kwa sasa ili kufanya kazi ambayo ameianza hivi karibuni.

Namkariri akisema: “Nimeamua kuacha mambo ya movie na kuwaachia wengine, haya maamuzi nimeyafanya kama miezi sita iliyopita… Mara ya mwisho kuigiza ni zaidi ya miezi sita iliyopita pia.”

Irene ambae ni mama wa mtoto mmoja kwa sasa anafanya show ya TV ya kusaidia Watanzania wanaoishi kwenye nyumba ambazo ni mbovu au hazina mahitaji muhimu yanayotakiwa kwenye nyumba.

Ni show ambayo haitahusika kujenga nyumba bali kuzirekebisha kwa gharama za mamilioni kwa kutegemea ubovu wa nyumba yenyewe, ambapo Irene amethibitisha hakuna kiwango cha mwisho cha pesa kama bajeti ya kutengeneza nyumba moja bali lengo ni kukarabati nyumba ikamilike.

Movie alizocheza mpaka sasa zinafika 40 lakini za kwake ni nne tu na amekiri kwamba kuacha kwake kuigiza hakuta mshushia kipato chake cha siku zote ambapo kwa movie moja ya kwake mwenyewe alikua anaiuza mpaka kwa milioni 35.

Show yake ya TV imeshaanza kuonekana Tanzania pamoja na kupata wadhamini ambao watamuwezesha kwenye kazi hii kubwa ya kupokea maombi ya Watanzania mbalimbali ambao wanahitaji nyumba zao zirekebishwe bure, kupitia kipindi hicho cha TV.CHANZO DSTV

EXCLUSIVEEEE...NEW HIT SONG Chereko Chereko cpwaathesupreme DOWNLOAD NA SIKILIZA

UNHCR yamtuza mtawa wa kikongo

Tuzo ya Nansen ya shirika la wakimbizi la Umoja wa Mataifa, UNHCR, mwaka huu itatolewa kwa mtawa kutoka Jamhuri ya kidemokrasi ya Kongo Angelique Namaika kutokana na mchango wake katika kuwasaidia wanawake.
Mtawa huyo Angelique Namaika amesema amefurahi juu ya tuzo atakayoipokea leo lakini pia amesema kuwa hakuitarajia. Imekuja kwake kama jambo la kushangaza .

''Niliposikia kwamba miongoni mwa washindani kutoka kote duniani, mimi ndiye niliyechaguliwa kupata tuzo, sikutaka kuamini kwa sababu nipo mbali sana na nilidhani kwamba dunia haiwezi kujua juu yangu" Amesema mtawa huyo.
Mtawa huyo mwenye umri wa miaka 46 alisafiri kwa muda mrefu kutoka kwenye mji wake wa Dungu hadi kufika mji mkuu wa Jamhuri wa Kidemokrasi ya Kongo Kinshasa, na kuendelea hadi Uswisi.
Kujitoa kwa wanyonge
Kwa muda wa miaka mingi mtawa huyo Namaika amekuwa anawasaidia wanawake na watoto nchini mwake. Miongoni mwa wanawake na watoto hao ni wale walionusurika kifo.
Kwani katika kipindi cha miaka 30 waasi wa kundi la Lord's Resistance Army wamekuwa wanaeneza hofu kwenye maeneo ya mipakani kati ya Uganda, Jamhuri ya Kidemkrasi ya Kongo, Jamhuri ya Afrika ya kati na Sudan ya Kusini. Waasi hao wamewaua watu, wamewabaka wanawake na wamewatumikisha watoto kama askari.
Wanapovamia sehemu waasi hao wa LRA wanawateka nyara watoto. Watu karibu milioni tatu na nusu wametimuliwa kutoka kwenye vijiji vyao kutokana na uhalifu wa makundi ya kigaidi kama LRA.
Hasa wasichana wanaobakwa na ,magaidi wanabakiwa na majeraha ya moyoni. Mtawa Angelique Namaika ambae leo anatunukiwa tuzo ya shirika la wakimbizi la Umoja wa Mataifa, UNHCR anafanya kazi kubwa ya kujaribu kuwasaidia wanawake na akina dada hao.Anawasaidia ili waweze kujitambua tena, kujifunza kazi na kujipatia riziki.
Baadhi ya akina dada waliteswa vibaya sana na waasi wa LRA.Wengine walikatwa hata midomo ya juu.
Hata yeye aliathirika
Mtawa Angelique Namaika mwenye amepitia katika masaibu, na ndiyo sababu analijua neno hofu. Alipokuwa msichana alilazimika kukikimbia kijiji chake na kujificha maporini kwa muda wa mwaka mzima.
Mtawa Namaika anawasaidia wasichana na wanawake wapatao 2000 kusoma, kushona na kuwasaidia kupambana na majeraha ya roho. Na pia anawasaidia yatima. Lakini pia amekabiliwa na matatizo katika kuwasaidia yatima hayo kama anavyoeleza.
Mara nyingine sikuwa na fedha ili kuwapeleka kwa daktari yatima hao waliotelekezwa maporini. Lakini kwa uwezo wa Mungu nilipata nguvu na kuweza kuwaomba watu wengine msaada", Ameeleza mtawa Namaika
Mtawa Namaika alihamasishwa na mtawa wa kijerumani katika kiji chake cha Kembisa kaskazini mwa Jamhuri ya kidemokrasi ya Kongo. Mtawa wa Kijerumani alikuwa anawahudimiwa watoto wagonjwa katika kijiji hicho.
Namaika alisema hata yeye anataka kuwa kama mtawa huyo wa kijerumani. Tuzo anayotunukiwa Angelique Namaika leo nchini Uswisi inaandamana na donge la Euro 74,000.
Mwandishi: Matthaei,Katrin

ANGALIA PICHA ZA SHEIKH PONDA ALIVYOFIKISWA MAHAKAMANI MOROGORO LEO

 Sheikh Issa Ponda akishuka kwenye basi la Magereza tayari KuingiaMahakama ya Hakimu Mkazi Mkoani Morogoro leo ambapo leo Mahakama Ilikuwa inatoa Maamuzi kuhusu Kufutiwa shitaka moja kati ya matatu yanayomkabili Sheikh Ponda katika Mahamama hiyo.Mahakama Imetupilia Mbali Ombi hilo na kesi itaendelea Kusikilizwa katika Mahamama hiyo.Kesi hiyo imeahiriswa Mpaka tarehe 7 November mwaka huu ambapo mahakama itaanza kusikiliza Mashahidi wa kesi hiyo.Sheikh Ponda Amerudiswa Rumande.

 Sheikh Issa Ponda Akiingia katika viwanja vya mahakama ya Hakimu mkazi mkoa wa morogoro..

Sheikh Ponda akiwa mahakamani akimsubiri Hakimu tayari kusikiliza Kesi yake katika Mahakama ya Hakimu mkazi Mkoa wa morogoro

 Mke wa sheikh Ponda akiwa mahakamani 

 Ulinzi ukiwea umeimarishwa mahakamani hapo leo wakati kesi hiyo ikiendelea katika mahakama ya hakimu mkazi mkoa wsa morogoro